| ka kiskinohamaket (O) / ka kiskinohamaketc (MW)
Kiskinohamakew. |
Nohwe itewin e witcikatek e itotisketc awik ka kiskinohamaketc enkon kaie e apatak itewin e wirakaniwitc awik. Nohwe itotiskewin kecpin nte e irapatak nte icinikatcikatew ka wirawewotakok.
Nohwe ka icinakok itewin itotiskewin nte itewotakon ka witcihitotakok mekwatc wir e itewotakok. Otananimiw rikisinahikana nihi itasinihikewina -t/-tc kekotc -k, ka witcihitotakok kotc iciwepisiwin e itewotakok (VAI, VTA kekotc VII). Nanikotono nama takon iciwepisiwin taci ke otewotakok; icinikatamowinik ici witcikatewa.
E aitasinihikatek nta natawa masinahikanik :
- nap : ka wirawewotakok e pimatisiweritakok
- nip : ka wirawewotakok aka e pimatisiweritakok
Mitowi :
| ka peikoteckanet (O) / ka peikoteckanetc (MW) | (nap) |
| ka awosopeparik (MW) | (nip) |
| ka ocki nipowitcik | (nap) |
| ka kanewit (O) / ka kanewitc (MW) | (nap) |
Kecpin e wirawewotakok e tiperitamitakok mamosinahikatew mitowi :
| ka miremakak |
| nikamiremakam |
| kikamiremikam |
| okamiremakam |
| okamiremikowaw / okamiremikamiwaw |
| kikamiremakono |
| nikamiremakonan |